NUTE'NI

Nute'Ni a phuankhia Anna Javis hi a, America gam Philadelphia khua ah teng hi.1864 kumin suak a, sanggam numei mit khua mu lo khat bek nei hi.Amah in midangte mah bangin it le ngaih hong nei a, ahih hangin kiteng theilo uh ahih man in pasal neih ding ngaih sun nawn vet lo hi.


Nuntak kikhapna Life Assurance zum ah na sem a, kum 41 a phak cingin a nu in sihsan a, a sanggam nu mit khua mulo a keem ding om nawn lo a hih man in a nasepna pan in khawl hi.


Tua hun aa kipan in Anna Javis in nu kisam lua mahmah ahih lam hong phawk semsem a,Nute' Ni bawl ding vai hong hawm hi Amerrica gam kumpi uliante tung na ngawn ah phal na ngen in thum hi.


A tawp na ah May 10,1908 in biakna lamah Nute'Ni neih nadingin President 
Woodrow Wilson in amau zumpi panin vai hong hawm in May kha nipi nihna zat dingin khentet uh hi.


Tua hun a ki pan in  Anna Javis in gam khem peuh ah lai hawm kawikawi a ama sih main gam 43 in ki zang khin ta hi.Nute'Ni phawk na in pakkual kaang white carnation zat ding vai hong hawm hi.


Mi khem peuh in hoih sa-in pakta kim ciat uh a hih man-in summet bawl na in hong nei uh hi. Tua pen  Anna Javis lungkim het lo a hih man in 1925 kum aa kibawl Numei kikhop-na ah kitopgawp ahih man-in palik-te in man-in thong ah khum uh hi.Ama deih na bangin a ki zat loh man in hailawhin a sihpih a hihi