PATE'NI
Pate Ni pen John Bruce Dodd zi, William Jeckson Smart tanu neihsun phuatkhiat a hihi.A ma min kitheilo hi.William Jeckson Smart te innkuan pen Washington gam,Spokane khua ah teeng uh hi.Tua khua kianga Big Bend River gei ah nei uh a, tua lo ah a ten uh tamzaw hi.
William Jeckson Smart te nupa in tapa nga le tanu khat nei uh hi.Ni khat a nu uh sih nungin a pa uh zong lungzuang khuangai in a innmai vuah kun ngeungau hi.A tate bang mah thei nai lo a hih man un a pa lung kham na leh dahnate theih pih lo uh hi.
Tua bek tham lo-in a nu uh si a hih lam na ngawn a thei nai lo a hi uh a,Khua sung vak hong ciah nai lo sa uh hi.Khua hong mial ciang in a tano te khat a nuzong ding in hong diang khia phengphang mawk hi.A Pa'n zong delh pah in a phak ciang in a angah tawi in inn ah a luppih hi.
Hih bang hun lai tak in a tanu neih sun zong pasal nei thei ding hong hita a, John Bruce Dodd tawh a kiteng uh hi.1910 kum ciangin William Jeckson Smart zong hong si leuleu a a zi han ah vui uh hi.
A pa uh a sih khit a sawt lo in Nute'Ni kikhop na khat hong om a,John Bruce Dodd zi zong ki khawm hi.Thu hilh Pastor pa in Nute'Thupit na gen in a pah tawi na te a zak ciang in a pa phawk lua a hih man in khitui nap tui tawh a ki diah hi.Amah le a nau te khempeuh keem in a khoi a pa phawk lua mahmah ahih manin Nute'Ni cih a om bangin Pate'Ni cih hong phuankhia a, June kha nipi thumna kizang hi.
William Jeckson Smart pen maanmaan a Biakinn ah kikhawm den khat hi a,a ma thubulphuh in''Note tungah hong kibawl ding na deih bangun midangte tungah bawl un''cih tawh a nung ta a hihi.Biakinn na sem te zahtak in a pi bawl siam mahmah khat hi a,lei ba neih loh ding zong a pi ngaih sut mahmah khat a hihi.A ki lawm lopi leh a kheng val lua in a tate a zepding uh a deih hetlo a hihi.Aniik a puan le a inn siang tho sak sitset a, a etteh taak lim hoih a nei khat a hihi.Tua a hih man in a tanu in a pa pian zia phawkin Pate'Ni cih a phuan khia a hihi.
